|
انا وانتي والشقا والضروفي
والبعد والفرقى والهجر والياس
قلبي عطيب(ن) وانت مابه تروفي
اسقيتني المر كاس ورا كاس
انا اعتبرتك نبضة(ن) وسط جوفي
اثرك تهيل بناظري تل الاطعاس
وانا حسبتك منفرد بالوصوفي
اثرك طبيعي انسان من جملة الناس
لاباس جرب غيرنا يالهنوفي
حتى اشوف الحال واقول لاباس
انتي معي نور بليا كسوفي
من دوننا تصبح ظلما وغلماس
وانت معي مرفوع فوق الكتوفي
ذكر قبل ممشاك ياخاضع الراس
كف سمح بملامسه للكفوفي
مايطهره عندي قطع بمقباس
طبعي كذا يابنت نفس عيوفي
اكره اللي بالهوى مالها ساس
عزالله انه ضاع فيك معروفي
مثل ماهو ضايع فيك الأحساس
|
:بريدك الالكتروني
